یک بلۆچ ٹێلکشێئے بێران بئیگ بندراَباسئے راها گۆن ماشینئے چپّ کنگا

رَسانک نیوز

چهارشمبهئے رۆچا ۱۳ دی ماه ۱۴۰۲، یک ٹێلکشّێن ماشینے بندراَباسئے راها چه وتی اسلی راها در بوتگ و چپّی کُرتگ که گۆن اے پێشامدا ماشینئے راننده گۆن بازێن ٹَپّ و ٹۆران بندراَباسئے نادراهجاهئے بَرَگا رَند بێران بوتگ.

اے ٹێلکشّێن بلۆچئے پجّار “اَبدلّاه شاهوزهی”، ۵۰ سال انتی، مهمد اَزیمئے چُکّ اِنت، سور کُرتگێنے، ۱۱ چُکّئے پت، دُزآپئے مردم و مازندرانئے نندۆک گوَشگ بوتگ.

گوشگی اِنت که اَبدلّاهئے جَسد گوستگێن رۆچا آییئے هلکئے مردمان دُزآپا بُرتگ و مرۆچی دُزآپئے نمازجاها، نماز دئیگ و پدا مهمد رسول الّاهئے کبرستانا کبر کنگ بوتگ.

گوَشگ ببیت که ٹێلکشی یکّے چه هما کاران هساب بیت که بازێنے چه بلۆچ جهمنندان چه بلۆچستانئے جاه جاهان، مناسبێن و مُدامێن کارئے نێستیا، ٹێلکشیئے نێمگا شُتگ‌اَنت که برے گۆن لهتێن پێشامدان چۆ گاڑیئے چپّ کنگ و امنیتی و نزامی نیروانی تیرشانیا دێم په دێم بنت و آیانی جانا تهدید کنت.