رَسانک نیوز

شمبه رۆچا ۱۱ پروردین ۱۴۰۳، بازێنے چه بلۆچێن جهمنندانی سیمسری کاٹ که پێسرا چه رزّاکئے پروژها گپتگ‌اَنتش، پورهی سرا بند کنگ بوتگ و سپاه پاسداران و سرتایپهانے که سپاهئے دستئے چێرا اَنت هاس وت ٹێلکشی کننت و آییا ڈنّی ملکا راه دئینت.

گۆن اے رستگێن هالا، چه همے چُنت گوستگێن هپتگانس تها زرّانے که چه اے کاٹانی سرا گپتگش چه شش میلیونا، دو میلیونئے سرا آتکگ و مرۆچی پورهی کهت کنگ بوتگ.

اے هالانی رِدا آتکگ، انّون تئوامێن آیگ و رئوگئے راه چه شمسر، کله گان و … سپاه پاسدارنئے دستا پورهَ بند کنگ بوتگ و هزاران جهمنندێن بلۆچ که چه بلۆچستانئے جاه جاهان هاس شستونئے شهرئے بلۆچ بێکار بوتگ و په شپئے نانئے واستا گۆن بازێن مشکلے دُچار بوتگ‌اَنت.

گوشگی اِنت که (رزّاکئے پروژه) رَند چه بلۆچانی کُشگئے رۆچا اسپندئے چارمی رۆچا سال ۹۹آ بندات بوت و بازێنے چه بلۆچان بێکار بوتنت و انّون سپاه گۆن ٹێلئے جاهئے تئیار کنگا سمسرئے سرا، وت ٹێلئے راه دئیگی په پاکستانئے هاکا بندات کُرتگ.