رْسانک نیوز
مرۆچی جُمه ۱۴ مهر ۱۴۰۲، مئولوی ابدالهمید دُزآپئے پێش چه جُمَهئے نُماز دُزآپا، کُتبهیا گوَشیت: اگن هکومتے مردمدار مبیت آ هکومتا مردم پانگا هچ ارزشت و بستارے نێست و بلۆچستانا هم هچ هکومتێئے کُدرتا و واکا نتوانتگ اِێمنی بداریت بلکێن بلۆچ مردما وت وتی ڈێهو سرڈگارئے بُنپانی و پاسپانی کُرتگ‌اَنت.
مئولویا هکومت کارندهان گوشیت: بزانێت که زۆراکی پَسّئوَ ندنت. مردم‌داریا بَگئیر دگه هچ چیز پَسّئوَ ندنت. این ڈێه پُر چه تایپه‌اِنت(طایفه). مسترێن تایپها هجبر نتوانتگ کسترێن تایپهئے سرا زۆراکی بکنت و آهرا گۆن یک‌و‌دگرا هبر و هال کنگا مُچ بوتگ و تپاک بوتگ‌اَنت.
مئولوی ابدالهمیدا، آرمیتا گراوندئے پێش آتکگێن هادسئیا اِشارَت کُرت، نۆدربرے که گۆن نۆکێن پێش آمدا تهرانئے تها کُمایا اِنت، گوَشتی: دْراهێن اێرانئے مردم آییئے سلامتیئے واستا پرێشان اَنت و دْراهێن دنیا اے گپّئے دُمبال کنۆک‌اَنت.
باید پئیگیری ببیت و ناشَرێن کارنده سزا دئیگ ببنت. اێوکێن چیزّے که مردمان رازیَ کنت آمیدگسئے (اَدالت) برجم دارگ و ناشَرێن دئولتی کارندهانی سزا دئیگ‌اِنت.
Be the first to comment