داکتر مهرنگا و بانُک سمی دینا گۆن اکوام متهدهئے سرۆکان گند و نند کرتگ

رَسانک نیوز، دوشمبه سباها 25 دی ماه 1402، اسلام آبادا بلۆچ یکجهتی کمیٹیئے نێمگا برجاهێن زھرشانی نندانکئے سرۆک داکتر مهرنگا مان چاگردی رسانکدرانی شنگ کرتگێن درشانئے تها گْوشتگ که ما پاکستانا پێشگێن اکوام متھدهئے سرۆک “میو ساتو” که پاکستانئے انٹر نیشنل آرگنائزێشن پار مائیگریشن ( آئی او ایم )ئے چیپ مشن اِنت. گۆن اکوام متھدهئے ریزیڈنٹ کواڈینٹر سرۆکان شاہ ناسرھان و اکوام متھدهئے راھوتی مشیر گۆن داکتر مریم شیکا گندونندی ترانے بوتگ.

مهرنگ گوشگا اِنت که ما آیان بلۆچستانئے برجاهێن مردمی ھکانی بگیری و زۆرێن بێگواھی، گئیر کانونی کُش، چه سهجێن ڈێها په نندانکئے پلامرزیا زھرشانی کنۆکانی گۆنا زۆراکی و زھرشانیان ھئوارێن مردمانی بیھار دئیگئے بارئوا سرپد کرتگ‌اَنت. 

اے هم گوشگی بلۆچ یکجهتی کمیٹیئے سرۆکان گندونندا پد، اکوام متهدئے سرۆکان په دلجمی لبز کرتگ که بلۆچ راجئے جهدئے پلامرزیا کنێن که اے جێرها اکوام متھدهئے سیکشنا دێم دئیێن.