رَسانک نیوز

چارشمبه ۲۶ مهر ۱۴۰۲، مئولوی اَبدالهمید اسماێل زهی، زاهدانئے پێش نماز، ایکسئے پرئوگرامئے تها (توییر سابق) گزهئے نادراهجاهئے سرا اُرش برگی مهکوم کُرتگ و جنگئے دێمگیریئے لۆٹۆک بوتگ.

مئولوی اَبدالهمیدا اے پُستئے تها نبشتگ:
اِسراییلئے وکشیێن وئیرانگرێن اُرش په گزهئے سرا، هاس یک نادراهجاهێئے سرا اُرش کنگ، کتل هام کُشت و کُشتار و جناتے سر و زاهرێن، اے اُرشا دْراهێن دنیائے مردمانی دل ٹپّیگ کُرتگ. منی جند اے جنایتا سک مهکوم کنان.

میان اُستمانئے چاگرد بایدێن یکّ جاه پَت ببیت هرچے زوتّر جنگئے دێمگیریا بکننت.

گوشگی اِنت که گوستگێن شپا ۲۵ مهر ۱۴۰۱، چه بازێن اسراییلئے اُرش برگ په گزهئے سرا، یک نادراهجاهے سرا موشک جنگ بوتگ و آ چیزے که هال رستگ، گێشتر چه پنچسد نپر بێران و ٹَپّیگ بوتگ. اسراییلئے ارتشا چه انّون اے اُرشی کبول نکُرتگ و اے هملکردی سمرئے اێرانئے اسلامی رجمیئے پلامرزی چاپا کپگ. اِسراییلا، حماسئے راکتانی جنگئے آکبتی زانتگ.