رَسانک نیوز
مرۆچی پنچشَمبِهئے رۆچا ۵ بهمن ۱۴۰۲، بلۆچ چُکچێنیئے بگیریا بلۆچ یکجھتی کمیٹیئے کاروان اسلام آبادا چه شالا سر بوتگ.
ژوب، کچلاک، ھزار گنجیا کاروان گوَزان بوتگ و اۆدا مزنێن کچێے مردم دگانی سرا درتکگ اَنت. وش آتکیاِش کرتگ.
پشتۆن راجدۆست و پی ٹی ایمئے باسکان ژوبا کاروانئے وش آتکی کرتگ په سجهێن کاروانئے ھئوارێن مردمان وارکئے بندوبستِش کرتگ.
ژوبا وش آتکئے ھاترا اۆشتوکێن پشتۆن راجدۆست چه لشکرئے نێمگا تُرسێنگ بوتگ اَنت بله اشیا اَبێد آ سرجمێن شپا دگ سرا ودارا بوتگاَنت تانکه کاروان ژوبا سر ببیت.
پدا کاروان مھلوکئے ھمراھیا سریابا سر بوتگ و بلۆچستانئے شھدربرجاهئے دێما مُچ بوتگاَنت و پدا لانگ مارچئے سرۆکی کنۆک رَهشون داکتر مهرنگ بلۆچا تران کرتگ.
Be the first to comment