رَسانک نیوز

مرۆچیگێن شمبهئے سُهبا ۱۶ دی ۱۴۰۲، بازێنے چه امنیتی و نزامی نیروانی ماشین و موتوران، مجدیه ۲۹ و ۳۱ ئے سرا اُرش بُرتگ و تیرگواریِش کُرتگ و چار جهمنندێن بلۆچ که یکّے کسانێن چُکّے بوتگ آوار جتگ و نامالومێن جاهِش بُرتگ‌اَنت.

چه اے آوار جتگێن جهمنندێن بلۆچانی پَجّارا که گوَشگ بوتگ آیانی سن کمتر چه ۲۰ سالا بوتگ و یکّے چه آیان کساس ۱۵ سالگے بوتگ هچ هال و هبرے انگت نرَستگ.

اے هالانی رِدا، کساس ساهت نُها بازێنے چه امنیتی و نزامی نیروانی ماشین و موتوران که تویوتا هایلوکس و پژو پارس بوتگ‌اَنت، مجدیه جادهئے سرا اُرُش بُرتگ و اے جهمنندێن بلۆچِش گۆن هِژم آوار جتگ و گۆن وت بُرتگ‌اَنت.

چه آیانی آوار جنگ و اے جهمنندانی مئیارا هچ هال و هبرے گوَشگ نبوتگ.