رَسانک نیوز
مئولوی پزل الرهمان کۆهی، پشامگئے پێشنماز چه مشهدئے مزهبیانی هاسێن آمیدگِسئے نێمگا پنج سالا درانڈێهیئے هکم دمان شهرکردا که استان چار مهال بهتیاریا اِنت دئیگ بوتگ. اێرانئے سرکارا په وتی داتگێن هُکما بیست رۆچ پُرست دات که اشیئے سرا اهتراز کرتَ کنت.
مئولوی پزل الرهمان ۳۰ مهر ۱۴۰۲، رند چه اشیا که گۆن مئولوی اَبدالهمیدا یک کسانێن گِند و نندے کنت، چه دُزآپئے شهرئے درکپئے درگتا امنیتی و بازرسیئے نیروانی دستا آوار جنگَ بیت و پدا مشهدا وکیل آبادئے زندان بندیگ کنگ بیت.
سر بوتگێن هالا ردا، مئولوی پزل الرهمان گوستگێن هپتگا مشهدئے مزهبی آمیدگِسا بَرگ بوتگ و همے آمیدگِسا په پنج سالئے واستا شهرکردئے مُلکا چار مهال بهتیارئے اُستانا دَرانڈێهیئے هُکما مهکوم کنگ بوتگ.
گوشگ ببیت که مئولوی پزل الرهمان ۹۸ئے سالا رَند چه اشیا که مزهبی آمیدگِسا لۆٹاێنگ آوار جنگ بوتگ و رَند چه چُنت سالئے زندانئے تهمبل کنگا ۱۴۰۲ئے مهرئے سئیمی رۆچا، یک گوانکیئے [تماس تلفنیا] مننگ بوتگ که آجویی آییئے هک اِنت.
Be the first to comment