رَسانک نیوز

دوشمبه ۱ آبان ۱۴۰۲، شش نپر چه مئولوی پزل الرهمانئے همراهان که راسکئے راها و زاهدانئے نزّیکیان واتر کنگا بوتگ‌اَنت و امنیتی نیروانی دستا دزگیر کنگ بوتگ‌اَنت آزات بوتنت و مئولوی کوهی پدا وکیل آبادئے زندانا برگ بوتگ.

آزات بوتگێن باشندهێن بلۆچانی پجّار، مئولوی “اکرم کوهی”، مئولوی ” اسگر کوهی”، مئولوی “یاسین آسکانی”، “هبیب الّاه آسکانی”، “یاسین شکری”، “مُهسن شکری” گوشگ بوتگ.

گوشگ بیت که مشهدئے (ویژه روحانیت)ئے دادسرایا هُکم کرتگ که مئولوی پزل الرهمانا وکیل آبادئے زندانا ببرنت.

گوَستگێن رۆچا و رند چه مئولوی کوهیئے دزگیر کنگا، (ویژه روحانیت)ئے دادسرایا مئولویئے جُرم کانون پرۆشی گۆن دژمنانی هۆریا گوشتگ.

گوشگی اِنت که (ویژه روحانیت)ئے دادجاها ۱۴۰۲ئے مهرئے سئیمی رۆچا، تلپنئے گۆما زنگ جتگ و مئولوئے آزاتی آییئے لۆگئے مردمان هالِش داتگ.

گوشگ ببیت که مئولوی کوهی وتی آسری گپّان،  زاهدانئے نماز وانۆکانی دزگیری و آیانی جَن و چۆپئے بارئوا پَسّئوی داتگ و گوشتگی: اگن یکّے زیگێن رۆچئے جمهه ۲۸ مهر ۱۴۰۲ئے نیرو نزامیانی ڈیک‌دئیگ گۆن مکّی مسیتئے نمازوانۆکانی گۆما بدیستێن، اسرائیلئے زلم په پلستین و گزهئے مردمانی سرا شما شمۆشتگ‌اَت. منی اے هبرئے سرا شما رنجێت گُڑا برنجێت.