رَسانک نیوز

جمهه ۲۸ مهر ۱۴۰۲، مئولوی اَبدالهمید اسماێل زهی، دزآپئے امامے پێش نمازا، تهرانئے اهل سُنّتئے نمازجاهئے بند کنگئے واستا پسئوی دات و آییئے مزنێن و دلپرۆشێن پێشامدے گوَشتی و چه انتزامی نیروان که نمازجاهئے زۆرگپتئے سرا کَبزه کُرتگ اپسۆزی وارت.

دُزآپئے پێش‌نمازا وتی کُتبهئے تها، بَهرے چه وتی گپّان په ۲۴ مهر ۱۴۰۲ئے پێشامدان هاسی کُرت و اهل سنتئے نمازجاهئے بارئوا هبری کُرت و گوشتی اے اهل سنتئے  زلوریێن و راستێن هَکّے که اشان وتا تهرانئے تها یک نمازجاهے ببیت.

مئولوی اَبدالهمیدا وتی گپّانی تها گۆن اِشارتئے درۆشما اێرانئے اسلامیئے جمهوریئے مئیارجلّی (حمایت) په گَزّهئے مردمانی واستا و پدا هم اهل سُنتئے نمازجاهئے بند کنگ و اهل سُنّتا په نمازئے واستا تنگ آرگ گوشتی:«اَپسۆزێن گپّے که دْراهێن مردم پَلستین و گزهئے جَنگئے واستا گَمیگ و پِگریگ‌اَنت و باید اِنت په گَزهئے مشکلئے واستا بگرێونت اے مشکل په اێرانئے اهل سُنّتئے واستا پێش بیاینت».