رَسانک نیوز

پنچشمبه ۲۰ مهر ۱۴۰۲، گۆج جادهئے پێشامد و گاڑیئے چپّ بئیگا روتکئے جاه و دمگان، میرجاوه و واشئے راها، یک بلۆچێن ٹێل کشّے چه بازێن ٹَپّ و ٹۆران بێران بوتگ و یکّے دگر ٹَپّی بوتگ.

اے جْوانێن ٹێل کشّئے پجّار “بلال گمشاڈزهی” ۱۸ سالگ، نیک مهمدئے چُکّ، میرجاوهئے نندۆگ گوَشگ بوتگ.

گوَشگی اِنت بلالئے گاڑی روتکئے هلکا میرجاوه و واشئے راها  گۆن جادّهی پێشامدے چه وتی راها در بوتگ و چپّ بوتک که گۆن اے چپ بئیگا بلال ٹپّیگ بوتگ و همے گپّان وجها بێران بوتگ و آییئے همراه هم ٹَپّ و ٹۆر بوتگ.

اے گوَشگ ببیت که سوهت بری یکے چه آ کاران اِنت که بلۆچئے راج په لاچاری و کارئے نێستیا دێم په آییا شُتگ‌اَنت که بازێن هترے چۆ چپّ کنگ و دۆ گاڑیئے ڈوکّ ورگ و نیرو انتزامی و امنیتئے تیرانی دپا بئیگ، اشانا تهدید کنت.