رَسانک نیوز

دوشمبه ۱۷ مهر ۱۴۰۲، دستکم سئے زندانیئے اێدامیئے هُکم کرمانئے زندانا دئیگ بوتگ که یکے چه اشان بلۆچے، که اے هُکم چه کرمانئے زندانئے نێمگا دئیگ بوتگ.

هال وش، بلۆچێن زندانیئے پجّارا گۆن اے کهۆلئے ناما “نارویی” یات کُرتگ که اشیئے گۆما دگه یک نپرے که اپگانستانئے باشندَه اِنت و دگه یکے کرمانئے باشندَه اِنت بله چه آییئے پجّارا انگت هالے مارا نرستگ.

گوَشگ بیت که باشندهێن بلۆچ، مواد مُهدرئے جُرما دزگیر کنگ بوتگ و کرمانئے انکلابئے دادجاها، اێدامئے هُکم دئیگ بوتگ‌.