گِهئے نادراهجاها گۆن پزشک مامائے نادلگۆشیا یک کسانێن چُکّے بێران بوتگ

رَسانک نیوز

یکشمبهئے رۆچا ۱ بهمن ۱۴۰۲، گۆن اُگدهداران و پزشک مامائے نادلگۆشیا گهئے نادراهجاها، یک کسانێن چُکّے رَند چه ماتئے چِلّه بئیگا بێران بوتگ.

گۆن اے هالان، “سمیه بلۆچ زاده” چه کسرندئے شهرا په چِلّه بئیگئے واستا گِهئے مُهمد رسول الّاهئے نادراهجاها شُتگ بله پزشک ماما که آییئے پجّار “مُژگان صادقی اِنت” نادراهجاهئے تها نبوتگ و پرستار و گیمّارئے گوانک بێپَسّئو بوتگ‌اَنت.

پزشک مامائے اۆدا نبئیگئے سئوبا، چِلّه پرستار و نۆک سِکّانی دستا کنگ بوتگ که چُکّ رَند چه چلّه بئیگا چُکّئے ناپگئے دِرگئے سئوبا، چُکّ بێران بوتگ.

گوشگی اِنت که چُکّئے هلک وتی اے بُنگپئے جُست و پرس و پزشکانی کَم کاریئے سئوبا چه اێرانشهرئے اُلوم پزشکیئے نێمگا لۆٹۆک‌اَنت.