داکتر مهرنگ و سمی دین:” پاکستان و اێران په امنیت ناما دوێن نێمگا بلۆچ کُشی کنگا اَنت

رَسانک نیوز

پنجشمبه رۆچا 28 دی ماه 1402، داکتر مهرنگ و سمی دینا مان چاگردی رسانکدر ایکسا شنگ کرتگێن درشانان گوشتگ که امنیت و وتواکیئے ناما پاکستان و اێران لّس بلۆچانی زھگ و جنێنانی زندمانا ترسئے آماچ کنگا اَنت. په وتی امنیت و وتواکیئے پهازداریئے نیمۆنا بلۆچانی سرا میزائل آس دئیگا اَنت. چه اشی سیمسرئے دوێن نێمگانی جاور نگێگ کنگی اَنت که مدام بلۆچ راج رنج و تاوانئے آماچ ببیت.

آیان گوشتگ که لۆٹنت برجاھێن بلۆچ راجئے چکچێنی گاما یکشلا تیز کنگا اَنت، چه اِشیا که بلۆچ راج وتی زندمان نپ ببرت. راستی ھمیش اِنت که پهازدارئے نام رد کارمرز کنگ بئیگا اِنت. چه اشیا که لس بلۆچ راج مهلوک آزارانی دێمپان کنگ بوتگ اَنت.

بلۆچئے چُکچێنی هر رۆچ گێش بئیان اے سرڈگار مردمانی که زند گوازێنگا اَنت رۆچ په رۆچ مرکئے پاتراپ دئیگ سیمسرئے دۆێن نێمگا جاور نگێگ کنگ و نام په مُلکئےِ پلگارا اے درمیانا بلۆچئے بێوسیا پائده پاکستان و اێرانئے واکدار پایده چست کنگا اَنت اے گپا ھچ پرک نێست که جنگا کئے مڑگا اِنت یا کئے نشانگ بئیگا اِنت بله اے در میانا بژنیگێن اش اِنت هاسکار بلۆچ راجئے کۆدکێن چُک و جنێن مِرگا اَنت.