شستون و دُزّآپئےِ راها سلاهبندان، پاسداران سپاهئے کاروانئے اُرش برتگ چه سپاهئے کارندهان سئے کس‌ بێران بوتگ

رَسانک نیوز

مرۆچی چارشمبه ۲۷ دئے ۱۴۰۲، گۆن نامالومێن مردمانی پاسداران سپاهئے ماشینئے سرا تیرگواری کرتگ کم چه کم پاسداران سپاهئے سه کس کُشگ بوتگ.

رستگێن هالانی رِدا، یکّے چه کُشگ بوتگێنان، “حسئین اَلی جاودان پر” پێسریگێن شستونئے سپاهئے نایب اِنت که دُزآپئے راها کُشگ بوتگ.

گوشگی اِنت که پژو ۴۰۵ زاتی ماشین که سپاه پاسدارانئے بوتگ، دُزآپ و واشئے راها، جون آبادئے پاسگاهئے دمگان تیرانی آماچ کنگ بوتگ.

گوشگ ببیت که جئیش الاَدلئے جُنزا اے اُرش برگ وتی گردانا گپتگ.