رَسانک نیوز
مرۆچی دوشمبه ۱۸ دی ۱۴۰۲، نزامی و امنیتی نیرون گۆن بنپورئے تها گۆن یک لۆگیئے دئوره کنگا، گۆن لۆگئے مردمانی گۆما درگیر بوتگ‌اَنت.
گۆن اے رستگێن هالان، سپاهئے امنیتی و نزامی نیروان رَند چه اشیا که لۆگ دئوره کُرتگ نزامی نیروان گۆن گرانێن سلاهان چۆ آر پی جی لۆگئے آس جَنَگ بندات کُرتگ.
رَسانکئے هالانی رِدا، گۆن امنیتی و نزامی نیروانی اُرش برگ بنپورئے تها بهشت آبادئے هلکئے لۆگیئے مردمانی سرا و درگیری گۆن اے لۆگئے مردمانی گۆما، کَم چه کَم یک کسے بێران و دو کس ٹپّیگ بوتگ.
بێران بوتگێن جهمنندئے پجّار “اکرم زیندینی (نارویی)”، دۆست مهمدئے چُکّ و دوێن ٹپّیگ بوتگێن زالبۆلانی پجّار “رازیه نارویی”، ۱۸ سالگ، لال بکشئے چُکّ و “هئیرگُل زیندینی (نارویی)”، ۷۸ سالگ، گوَشگ بوتگ.
لهتێن چه نا اَلّمێن هالانی تها چه نزامی نیروانی کُشَگ و ٹپّیگ بئیگئے هال رستگ.
Be the first to comment