رَسانک نیوز

سئے شمبه ۲ آبان ۱۴۰۲، یک بلۆچێن باشندهے که پنچشنبه ۲۷ مهر ۱۴۰۲، گۆن ناشناسێن مردمانی تیرشانیا و شکاری تیرئے لگّگا ٹپّیگ بوتگ، رند چه شش رۆچئے گوزگا، سُهبئے سرا سراوانئے رازیئے نادراهجاها چه بازێن ٹَپّی و ٹۆریان بێران بوتگ.

اے باشندهێن بلۆچئے پجّار “امید هُسین زهی” همیدئے چُکّ و سور کُرتگێن و سراوانئے نندۆک گوشگ بوتگ.

گوشگی اِنت که امید پنچشمبهئے رۆچا ساهت ۱۰ آ وتی دُکانئے دپا (خیابان طالقانی) سراوانئے تها ناشناسێن مردمانی تیرشانیئے وَجها ٹپّیگ بوتگ و مرۆچی سُهبئے سرا چه بازێن ٹَپّان بێران بوتگ.

چه جنۆکێن مردمانی جَنَگئے اِلّتا هچ هالے انگت گوشگ نبوتگ.

گوشگی اِنت که امنیتی نیروانی سلاهئے بهر کنگ لگۆرێن مردمانی نیاما و اے سلاهانی کارمرز کنگ په وتی زاتی کارانی واستا برے په کهۆلانی جُتایی و دگریئے اِلّت اِنت که کُشگ و ٹپّیگ بئیگئے وَجه و دلیل بیت