رَسانک نیوز

شمبه ۲۲ مهر ۱۴۰۲، سئے زندانی که زاهدانئے زندانئے تها بوتگ‌اَنت، زاتی درێسێن امنیتی نیروانی دستا، نامالومێن جاهے برگ بوتگ‌اَنت و چار رۆچئے گوزگا انگت هالے چه آیان نێست.

این باشندهانی پجّار…
۱ـ زبیه الّاه کۆهکن، جیدئے چُکّ
۲ـ بنیامین کۆهکن، همید رزائے چُکّ
۳ـ ادریس کۆهکن، همید رزائے چُکّ

گۆن رستگێن هالا، چه اے باشندان، چُنت وهد اِنت هچ هال و بودے نێست و هچ هالے هم نکرتگ و اے کار سئوب بوتگ که اشانی لۆگئے مردم چه اشانی جانئے سلامتیا پرێشان ببنت.

گوشگی اِنت که بنیامین ۱۳ دی ۱۴۰۱ گۆن مُچّ مُچّ دزگیر کنگئے گۆما دزگیر بوتگ، زبیه الّاه کۆهکن ۲۸ شهریور ۱۴۰۲ گۆن امنیتی نیروانی اُرش کنگا آیانی لۆگئے سرا دزگیر کنگ بوتگ، و ادریس هم ۱۹ شهریور ۱۴۰۱، رند چه آیانی لۆگئے سرا امرش کنگا بے هُکمئے نشان دئیگا دزگیر کُرتگ و بُرتگِش.