رَسانک نیوز

۷ مهر ۱۴۰۲، یک باشندهێن بلۆچێن کارگرے هیّامئے جادها دزگیر کنگ و یک نامالومێن جاهے برگ بوتگ و انّون که دو هپتگ گوستگ انگت هچ هالے چه آییا نێست.

اے باشندهێن بلۆچئے پجّار “سلمان جلازهی” ۲۲ سالگ، شێرالیئے چُکّ، لۆگ بندێن کارگر و زاهدانئے میرجاوهئے شهرک سنهتیئے نندۆک گوشگ بوتگ.

گوشگ بیت که سلمان مهر ماهئے هپتمی رۆچا، یک رۆچے پێسر چه سال زاهدانئے هۆنێن جمهئے سالرۆچا، وهدے که چه نمازجاها واتر کنگا بوتگ زاتی درێسێن نیروانی دستا دزگیر کنگ و نامالومێن جاهے برگ بوتگ و انّون رند چه دو هپتگئے گوزگا انگت چه آییئے هالا که پێسرا هم دلئے اۆشتئے بیماری بوتگ هالے نێست.