رَسانک نیوز

نۆکێن وانگئے سال (۱۴۰۳ـ۱۴۰۲) اێرانئے تالیمئے وَزارت گۆن نۆکێن شئورے که نامی “سنجش” اِنت چه وانۆکێن چُکانی پت و ماتانی کِرّا نئود هزار تُمن لۆٹتگی تان چه آیانی چُکان پێسریگێن سالئے چَکّاسا بگیپت و اے شئور و کار نیمّونے په چکّانی نئوانگا بوتگ چیا که بازێن هلکێئے مردما اے زرّ نبوتگ که بدئینت.

گۆن اے هالا، نۆدربرانی پت و ماتا اێلام کنگ بوتگ اگن اے هرچا مدئیئنت، په آ چُکا وانگجاها هچ جاهے نێست و همے گپّ نیمّۆنے بوتگ په چُکانی نئوانگا.

گوشگ بیت که هنگ یکّے چه سیسمری ملک و دمگان که انگت هچ پکّا بندێن وانگجاهے نێست و نۆدربر مَچ و درچکانی چێرا درس واننت.

اَکسانے که راه دئیگ بوتگ‌اَنت چه هُنگئے مجتمها که ۲۶ هلک همے مجتمهئے چێرا اَنت اشیا پێش داریت که آ وانگجاهان هچ استاندادی نشانگ و په وانگجاهئے جاهێئے کارمز کنگئے لاهکی نێستش.