رَسانک نیوز

یک بلۆچێن زندانیے که آییئے اێدامیئے هُکم وکیل آبادئے زندانا آتکگ بوتگ، رَند چه آییئے دلئے اۆشتگا زندانئے بهداریا برگ بوتگ و رند چه دو ساهتا که آییئے مزنێن بیمارستانیئے نبرگئے وجها زندانئے بهداریا بێران بوتگ.

هال وشّ، اے بلۆچێن زندانیئے پجّارا “مهمدهسن نوتی زهی” سور کتگێن و چار چُکّئے پِت و چشمه زیارتئے کهۆلئے نندۆک گوَشتگ.

گۆن اے هبرا، مهمد هسن دوشمبهئے رۆچا اُمومی بندئے تها وکیل آبادئے زندانا آییئے دل اۆشتاتگ و زندانئے سرمسترانی بێپگریئے وجها و آییئے راه دئیگ مان دگه ڈنّئے مزنێن بیمارستانێئے کبول نکنگا بێران بوتگ.

گوشگ بیت که زندانئے بهداری بس کمّکێن دئوایانی واهند اِنت و دگه زبرێن کارنده و زبردستێن سامانے نێست‌اِنت که دل اۆشتگئے دئوا و درمانا کُرت بکنت و اے چُش اِنت که اے وڑێن بیمّار باید اِنت که زوت په مزنێن بیمارستانیا سر کنگ ببنت.

گوشگ بیت که مهمد هسن دو سال پێش تَبسئے مُلکا مواد مهدرئے وجها دزگیر کنگ بوتگ و مشهد انکلابئے دادگاها آییئے اێدامئے هُکم گۆن یک لمبرے کمتری دئیگ بوتگ.