رسانکئے رستگێن هالانی ردا، دوشمبه 17 مهر ماه 1402،یک بلۆچ باشندهئے چه اتلاهاتئے نیروهانی نێمگا آوار جنگ، همے چئوکی(ایست بازرسی) اتلاهاتئے کارندهانی بوتگ. بزان چئوکی دُزّآپئے شهرا ڈنّ اِنت دێم په واشا رئوئے، دێم په دێم پلیس راها آوار جنگ بوتگ.

آوار جتگئے بلۆچ جوانئے پجار «اهسان کاشانی»اِنت اُمری 22 اِنت ، بهاودینئے پرزند اِنت، گوشگ بوتگ شێرآبادئے جهمننداِنت.

مردمانی گوشگئے پدا، بازێن جُست و پرسان و پد، تنێوهدی هچ هالے دستا نرستگ،هچ ادارهئے سرکارئے جوابگو نه‌اِنت کئیی و کجام ادارهئے دستا اِنت.