رَسانکئے شنگ و هال، مرۆچی پنچشمبه ۱۳ ‏مهر ۱۴۰۲، دُزآپئے شهر گێشتر چه پێسرا امنیتی کنگ بوتگ و گئیر چه اشیا که پێشی هپتگا بازێن نیروے چه اے دگه اُستانان آرگ بوتگ، اے هپتگا چه کرمانا دگه نیرو دێم په بلۆچستانا رهادگ بوتگ‌اَنت.

همے وڑا، گێشترێن ایست و بازرسی که پێسرا نیرو انتزامیئے دستا بوتگ‌اَنت انّون بلۆچ پۆشێن اطلاعات و سپاهئے پُست هانه والا گجران گۆن اَنت.

و گۆن دزآپئے چاگردئے مزنێن کَلّ و کٹانی جنگا، دْراهێن شهرِش گپتگ و گۆن وتی زۆرانکێن نیروان بێڑئوِش کُرتگ و مُدام تَرّ و تابئے تها اَنت و مردمانی آزار پُجاری دئیگ و گِر و بندئے پَدا اَنت.

گوَشگَ بیت که بازێن جاهے چه شهرا اینترنتئے تێزی جهل آتکگ و دامگ سک نزۆر اِنت.

(ویدئو کہ ٧ مھر ١۴٠۲ زَبت کنَگ بوتگ، پێش دارێت کہ نیرو انتزامیئے مردمانی نێمگا تیرگواری کنگا اَنت)