رَسانک نیوز

چارشمبه رۆچا ۲۶ اردیبهشت ۱۴۰۳، راسکئے تها گۆن ماشینئے چپّ کنگ و آییئے آس گِرگا، یک ٹێلکشێن بلۆچے ٹپّیگ بوتگ.

ٹپّیگ بوتگێن ٹێلکشئے پجّار (اپشین سیاهانی)، ۱۹ سالگ، جمائے چُکّو چاه اهمدئے نندۆک چه تپتانئے دمگان گوَشگ بوتگ.

همے هالانی رِدا، اے ٹێلکشێن ماشین رانندگیئے تها چپّ و رَند چه آییا آس گپتگ که اپشین بیست و دو رسد سُتکگ و کرمانئے نادراهجاها برگ بوتگ و درمان کنگ بئیگا اِنت.

گوَشگی اِنت آتش نشانیئے ماشین وئیلئے جاها آتکگ بله آپئے تمام بئیگئے سئوبا، ٹێلکشێن ماشین کامل سُتکگ.

گوَشگ ببیت که گۆن سالئے جم کُرتگێن هالان، ۲۰۲۳ئے سالا کم چه کم ۳۲۱ ٹێلکش گۆن نزامی نیروانی راستێن تیرگواریان، جادّهی وئیلان، نامالومێن سلاهبندێن مردمانی تیرگواریان، هار و آس سۆچیان بێران و ٹپّیگ بوتگ‌اَنت.