![photo_2024-05-15_23-43-58](https://rasanknews.com/wp-content/uploads/2024/05/photo_2024-05-15_23-43-58-678x381.jpg)
![](https://rasanknews.com/wp-content/uploads/2024/05/photo_2024-05-15_23-43-58-1024x1024.jpg)
رَسانک نیوز
شَمبِهئے رۆچا ۲۲ اردیبهشت ۱۴۰۳، یک کسانێن چُکّے رَند چه اِشیا گلستانئے هلکا دشتیاریئے دمگان هۆٹگئے تها کپتگ و بێران بوتگ.
اے کۆدکئے پجّار (هارون بلۆچ)، ۸ سال انتی، جاودئے چُکّ گلستانئے هلکا دشتیاریئے دمگا نندۆک بوتگ.
همے هالانی رِدا، هارون هۆٹگئے کَشا لئیبا بوتگ که یکّے چه همراهانی چیزّ هۆٹگا کپتگاَنت و هارون آیانی در کنگئے واستا آپئے کِرّا شتگ که رَند چه کپگ و بُکّگا، چه آپا در آتکی نکرتگ گُڈسرا آپا ساهی داتگ.
گوشگی اِنت که هارون هلکئے تێز هۆشێن نۆدربرے بوتگ و دومی کلاسا وانگا بوتگ.
هۆٹگ هما آپے گوشگ بیت که اَبرمی درۆشما یا که گۆن مردمانی دست بندگ و اَڈ کنگ بوتگ و مردم چه اے آپا که آییئے تها جم بوتگ، کارمرز کننت.
گوشگ ببیت که دشتیاریئے دمگئے مردم چه لوله کشی و آپئے سهولتا زِبهر اَنت و مردم چه همے آپانے که هۆٹگئے تها جم بوتگاَنت وتی ورگئے و زندگیئے واستا کارمرز کننت.
Be the first to comment