رَسانک نیوز

مرۆچی جُمَهئے سُهبا ۲۱ اردیبهشت ۱۴۰۳، یک ٹێلکشێن بلۆچے گۆن ماشینئے ٹایرئے ترکگا، سایپاێن ماشین کساس ڈمپگئے دمگان، راسک و دشتیاریئے راها چپّ بوتگ و ٹێلکشێن بلۆچ ٹپّیگ بوتگ.

اے جهمنندێن بلۆچئے پجّار (ایوب مهمدی وند) و پهرهئے (اێرانشهر)ئے نندۆک گوَشگ بوتگ.

اے هالانی رِدا، ایوب ڈمپگئے هلکئے نزّیکیا، دشتیاریئے تها رَند چه اشیا که ماشینئے ٹایر ترکّتگ ماشین چپّ بوتگ و ٹپّیگ بوتگ.

گوَشگ ببیت که ٹێلکشی چه هما کاران هساب بیت که که بازێنے چه بلۆچ جهمنندان چه بلۆچستانئے جاه جاهان، مناسبێن و مُدامێن کارئے نێستیا، ٹێلکشیئے نێمگا شُتگ‌اَنت که برے گۆن لهتێن وئیل چۆ گاڑیئے چپّ کنگ و امنیتی و نزامی نیروانی تیرگواریان دێم په دێم بنت و آیانی جانا تهدید کنت.

گوَشگ ببیت که گۆن سالئے جم کُرتگێن هالان، ۲۰۲۳ئے سالا کم چه کم ۳۲۱ ٹێلکش گۆن نزامی نیروانی راستێن تیرگواریان، جادّهی وئیلان، نامالومێن سلاهبندێن مردمانی تیرگواریان، هار و آس سۆچیان بێران و ٹپّیگ بوتگ‌اَنت.