رَسانک نیوز

مرۆچی جُمَه ۲۱ اردیبهشت ۱۴۰۳، مئولوی الیاس اسماێل زهی، دُزآپئے دمگان دومکئے هلکئے جمهئے پێشنماز و مئولوی اَبدلهمیدئے چُکّ، دومکئے جمهئے کُتبهانی تها چه بلۆچستانئے دۆستناکێن و مردمی واننده (بلال نسرویئے) کشگئے بارئوا واکنش پێش داشت.

مئولوی الیاسا گوَشت که بلال نسرویئے کُشگئے بُنگپ، دۆست دارێن و بلۆچێن هنرمند، دْراهێن بلۆچستانے تکان دات و گۆن آییئے شهادتا دْراهێن مردم گمیگ و پرێشان بوتگ‌اَنت.

آییا ادامه دات: آ چانکویا که بلالئے دل کپّ کُرتگ، اسلا اے چانکو هزاران بلۆچئے دلا لگّتگ و په آییئے واستا نگران و پرێشان بوتگ‌اَن. گۆن بلالئے کُشگ بئیگا، بس آییئے هلکئے مردم گمیگ نبوتگ‌اَنت بلکێن دْراهێن بلۆچستانئے جاورهال داگدار بوتگ‌اَنت.

مئولوی الیاسا گوَشت شهید بلالا وتی زندئے آسری وهدا بازێن دگریئے آرتگ و مئولوی اَبدالهمیدئے ستاهئے بارئو و … ڈئولدارێن ناتے وانتگ آییئے وشّێن تئوار په ما مردمان مانتگ.

و آییا آسری وهدا په کشۆکان گوَشتگ: آییئے کشۆک و آ کسانے که آییئے کُشگا دستِش بوتگ اَلّم ببنت که هُدائے اَزاب آیانی دامُنا گریت و مُدامی آسئے تها سُچنت.