رَسانک نیوز

یکشمبه رۆچا ۱۶ اردیبهشت ۱۴۰۳، دُزآپئے دارالاُلومئے وانێنۆکان گۆن جاریئے شِنگ کنگا په (امنیتی نیروانی اُرُش درۆشمێن رئوگ) پشامگئے انوالهرمێنئے دینی وانگجاها چه راسکئے دمگان هبری کُرت و آییی (په نشانگ و شرّێن چیزانی بێهرمتی) زانت و په (دلکشی کارانی دێمگیریا) تاکید کُرتگ.

وانێنۆکانی شِنگ بوتگێن جار اے وڑا اِنت:
امنیتی نیروانی اُرُش درۆشمێن و نامناسبێن رئوگ په پشامگئے انوارالهرمێنئے دینی وانگجاها، پرێشانیئے سئوب بوتگ چیا که مسیت هُدائے لۆٹگئے جاه و دینی وانگجاه کُرآنئے تالی و سنتئے جاه اِنت، هاسێن اهترامیئے جاه اِنت که اے مزنیئے بُنپانی و اے جاهانی هُرمتئے بُنپانی، چه دئولت و ملتا، لازم و زلوری اِنت.

پدا هم اگن هالے و گناهے و یا یک کسے دینی وانگجاهیا هست، اے بُنگپ گۆن وانگجاهئے سرمسترانی همکاری و هُرمتئے و کرامتئے بُنپانی و آ مزنێن جاهئے پێگیری و هل بوتگ‌اَت، بله نامناسبێن پُترگ و اُرُش برگ به علمی جاه و دینی وانگجاهان سئوب بوتگ که بێرهمتی و مزن و ٹپیگ بئگئے اهساس بیت.

همے واستا چه مسئولان لۆٹتگ بیت اے دلکشێن کارانی دێما بگیپت و همدا مکنت که مشکلات گێشی و اهساسئے هرکت دئیگ و گێش رئوگ چه هلکا مبیت.

گوشگ ببیت که شمبهئے سُهبا ۱۵ اردیبهشت ۱۴۰۳، اێرانئے جمهوری اسلامیئے رژیما گۆن دینی وانگجاه و جهمنندانی لۆگا سرا اُرُش برگ و کم چه کم هشت وانندهێن ورناه چه پشامگئے دینی مدرسئیا  آوار جنَگ بوتگ و نامالومێن جاهیا برگ بوتگ و امام جمهئے ماشینئے اۆشتارێنگ، مئولوی پزل الرحمانئے هلکئے مردمانی گوشی هم جم بوتگ‌اَنت.