رَسانک نیوز

چارشمبه رۆچا 23 اسپندئے 1402آ”، اداره گمرکا گۆن نزامی نیروانی همدستیا، چهبارئے شهرا دریا کۆچکئے تئیاب دپئے نێمگا سُهر رێگئے مێتگا بێڑ برتگ، 14 لۆگ که اۆدئے جهمنند بوتگ انت به اشی که پێسرا هال بدئێینت که شما وتی هالیگ بکنێت. لۆگانی سامان جادهئے سرا دئور داتگ و لۆگ هراب کرتگ انت نزامی نیرو تان آهرا همۆدا ساڑی بوتگ انت که سجهێن مێتگئے مردم در کنگ ببنت.

گوشگی اِنت نزامی نیروان گۆن اداره گمرک اے مێتگئے سرا ارش برتگ برے آتکگ لۆگانی درش پرۆشتگ، اۆدئے جهمنند مجبور کرتگ که چه لۆگا در ببنت، لۆگ په زۆر زولۆپی کرتگ انت.

انچش نزامی نیروان گۆن بیم و پاتراپ و زپت و زۆر، جنێنئے مانه کرتگ چه پلمبرداریا و آیانی دستش تاب داتگ انت مبائیلش په زۆر چه دستا گپتگ سرکارا وتی ناما مبائیل زپت کرتگ انت.

گوشگی اِنت که اے لۆگانی واهند پێش چه اشی که رژیم اێرانئے جمهوری اسلامی پێدا ببیت اے لۆگ چه پێسر واهندانی کرا کئول نامگ درۆشما زورگ بوتگ انت، اے چیز دلگۆش دارگ ببیت اے لۆگ شاهئے رژیمئے درگتا بندگ بوتگ انت و چه زمانگان اے مێتگ مهروپ په گمرک بوتگ و چه اداره گمرکا 500 یانکه 400 متر گَستا انت هچ پئیمێن واهندای چه گمرکا نێست و انون نزیک پنجاه سال گوستگ اداره گمرک جمهوری اسلامی داوائے واهندای کنگا اِنت و ابێد چه سرکارئے هُکما اُرش برتگ لۆگ هراب کرتگ و کنتور و برگ و آپ و کد پستی جم کرتگ انت.

2023 میلادی سالئے تها، سر بوتگێن هالانی بنیادا، امنیتی مکتلپێن ادارهانی و اێرانئے اسلامی جمهوریا، کم چه کم 21 نمونه پنچ شهرا که بلۆچ جهمنندێن مێتگا دست په کار بوتگاَنت. بازێن لۆگش پرۆشتگ و مردمانی زمینئے زپت و کبزه کرتگاَنت، گێشترێن اے کبزه گیریان چهبارئے گۆن هشت و دزاَپئے هپتا اے کارئے کرتگاَنت.