رَسانک نیوز

دوشمبهئے بانگواها ۹ بهمن ۱۴۰۲، زمینّی بَمبئے تراکئے سئوبا که سپاه پاسدارانا دمگ شستون کله گانئے سیمسرا زُمینئے چێرا کَلّ کُرتگ بوتگ سئے کَس بێران و دو کس ٹپّیگ بوتگ.

اے وئێلا یکّے چه ٹپّیگ بوتگێن مردمانی پجّار که کسان کۆدکێن چُکّے بوتگ “تاها رئیسی (مبین)”، ۱۱ سال انتی اکبرئے چُکّ، کله گانئے هلکئے نندۆک گوَشگ بوتگ.

گوشگی اِنت تاها ٹێلکشے بوتگ که کله گانئے هلکئے تها گۆن یکّے چه وتی سیادان کارا بوتگ که لۆگئے واتر کنگئے وهدا گوَستگێن رۆچئے بانگواها پَهرهئے تها کله گانئے هلکئے تها گۆن زمینی چێر داتگێن بَمبئے ترکّگئے سئوبا ٹپّیگ بوتگ.

چه آ دگه بێران بوتگێن و ٹپّیگ بوتگێن ٹپیانی پَجّارا که زمینی بمبئے سئوبا ٹپّیگ و بێران بوتگ‌اَنت تان انّون هچ هالے نرستگ.

گوشگی اِنت، سال ۹۸ئے مرداد ماهئے دئوازدهمی رۆچا، گۆن سپاه پاسدارانئے زمینی بمبئے چێر دئیگا کله گانئے تها، دو کس چه بلۆچێن جهمنندان که یکّے نام “الهداد رئیسی”َ، شێرمهمدئے چُکّ گوَشگ بوتگ بێران بوتگ و دگرے ٹپّیگ بوتگ.