رَسانک نیوز
دوشمبهئے بانگواها ۲ بهمن ۱۴۰۲، یک بلۆچێن بندیگیئے اێدامیئے هُکم، آمیدگسئے کارِندهان و دُزآپئے مرکزی بندیگئے سرمستران دستا اجرا کنگ بوتگ.
اے بلۆچێن جهمنندئے پجّار “مسود ریگی”، ۲۴ سالگ، اَبدلاَزیزئے چُکّ، شێرآبادئے هلکئے دُزآپئے نندۆک گوَشگ بوتگ.
اے رستگێن هالانی رِدا، مسود ۱۴۰۰ئے سالا کَتلئے جُرمئے سئوبا دزگیر کنگ بوتگ و کئیپری آمیدگِسا، هۆن بێڑئے هُکما مهکوم کنگ بوتگ.
گوشگی اِنت که ۲۰۲۳ئے سالا کَم چه کَم ۱۸۴ بندیگێن بلۆچ گۆن وڑ وڑێن جُرمان اێرانئے ۲۶ هلکئے تها چۆ دُزاپئے بندیگا ۵۴ و بیرجندئے ۳۱ گێشترێن هساب گئیر انسانی اێدامئے هُکم بوتگ و اێدام کنگ بوتگاَنت که اے بندیگانی تها چار زالبۆل هم هستاِنت.
اولین نفری باشید که دیدگاه مینویسد