رسانک نیوز

شمبه 30دی ماه 1404،بلۆچ یکجهتی کمیٹی نێمگا مان اسلام آبادا یک سیمنارێئے جار جنگا پد پُلیسا آیانی اسپیکر سسٹم دستگێن کرتگ اَنت.

ھمے درگتا چاگردی رسانکدرا ایکسا سبگت اللہ شاہ جیا وتی یک تامُر بندێا گوشگا اِنت که بانداتیگێن سیمنارئے چن لانچ ھاترا اسپیکر سسٹم و دگه ساز و سامان پُلیس وتی دستیگ کرتگ‌اَنت آیان آرگا نئیلگا اِنت.

سبگت اللهئےگْوشگ اِنت که ما یکو آیان مِنّتا گرگا اێن بله آ مارا اسٹێج و کُرسیانی آرگئے مۆکلّا دئیگا نه‌اَنت مارا  یکشَلا دلسیاہ کنگا  اَنت.

شاہ جیا دێمترا گْوشتگ که مارا یک ادارے بوتگ و ما گۆن اشان گپ‌وتران کنگا اێن که آ گوشگا اَنت پنچ دمانا رندا شمارا مۆکل رسیت بله دو ادار گوستگ که بله انگت مۆکل دئیگا نه‌اَنت.

آییا گوشتگ که مارا تچکیا ھم نگوَشنت یکۆ رد دئیگئے جُهد کنگا اَنت و یک سوزوکیا مئے ساز و سامان آورتگ‌اَنت آ ھم پُلیسئے کارندهان گپتگ و بندیجاها کئید کرتگ.