یزدئے بندیگا کَم چه کَم یک بلۆچ بندیگیئے اێدامئے هُکم اجرا کنگ بوتگ

رَسانک نیوز

مرۆچیگێن پنچشمبهئے بانگواها ۲۱ دئے ۱۴۰۲، یک بلۆچ بندیگیئے پاهۆئے هُکم یزدئے بندیگئے اُگدهدار و آمید گسئے سرمسترانی نێمگا دئیگ بوتگ.

اے بلۆچ واجهئے پجّار “نزام دهمرده”، ۴۸ سال اِنت. بازمهمدئے چُکّ اِنت. سور کُرتگێنے چار چُکّئے پت اِنت. دزاپئے شهرا و شێرآبادئے مێتگا نندۆک بوتگ.

رستگێن هالانی رِدا، نزام ۱۳۹۹ئے سالا، گۆن مئوادئے جُرمئے سئوبا آوار جنَگ بوتگ و اے شهرئے انکلابئے آمیدگِس پاهۆئے هُکما مهکوم کنگ بوتگ.

آ سئے شمبهئے رۆچا چه آمێن بندیگا په هاسێن بندیگا برَگ بوتگ و گوَستگێن رۆچا وتی گڈسری گندُک گۆن وتی لۆگئے مردمان کُرتگی.

گوشگی اِنت که ۲۰۲۳ سالا کَم چه کَم ۱۸۴ بلۆچ بندیگ گۆن بێبنیادێن نیمّۆنان اێرانئے ۲۶ مُکتلێلێن شهرا و انچش هئوار گۆن دُزآپئے بندیگا ۵۴ و بیرجندئے بندیگا ۳۱ پاهۆ دئیگ بوتگ‌اَنت گێشتر اێدامان گۆن کمترێن نێمۆنا گۆن گئیر انسانی درۆشمان مهکوم په اێدام بوتگ اَنت که اے بندیگانی تها کَم چه کما چار  جنێن هئوار اِنت.