سالانه سربوتگێن هالانی ردا، بلۆچستانئے جهمنندان هُکوک بشری جاور اۆبال مان 2023 سالا

رَسانکا سر بوتگێن هال،

2023سالئے جَم کُرتگێن دِتایانی بُنپدا، کَم چه کَم 184 بلۆچ زندانی گۆن وڑ وڑێن جُرمانی نیمّۆنا، 26 اێرانئے شهران دُزآپئے بندیگجاه 54 مردم و بیرجندئے بندیگجاه 31 مردم گۆن گئیر انسانی پاهۆئے هُکمِش داتگ‌اَنت، پاهۆ دئیگ بوتگ‌اَنت که اے بندیگانی تها کساس چار نپر جنێن بوتگ‌اَنت.

2023 سالا، کَم چه کَم هپت بلۆچ گۆن سیاسی جُرمان، 143 بندیگ گۆن مئوادئے جُرما، 26 کس گۆن هۆن و کۆشئے جُرما و دگه 8 کس گۆن دگه نامالومێن جُرمانی سئوبا پاهۆ کنگ بوتگ‌اَنت.

2023 سالا، نزامی نیروانی تچکێن تیرگْواریانی سئوبا، 120 بلۆچ بێران و ٹپّیگ کنگ بوتگ‌اَنت. اے وئیلانی تها 80 کس بێران و 40 کس ٹپّیگ کنگ بوتگ اے مردمانی تها 9 کۆدک و 3 جنێن هم هست.

گۆن جَم کُرتگێن دِتایانی بُنپدا، سپتامبرئے ماها 13 کس کُشگ و 9 کس ٹپّیگ کنگ بوتگ و اے سالئے مرگبارترێن ماه په بلۆچ مهلوکا بوتگ  نزامی نیروانی وهد و بێوهد تیراگواریان دێمپان اَنت.

انچُش گۆن 2023ئے سالا جَم کُرتگێن دِتایانی بُنپدا، کَم چه کَم 6 بلۆچ بندیگ شش مُکتلپێن شهرئے بندیگجاهان تها گۆن داکترانی نرسگ و چار وار کنگ یانکه وتکُشیئے نمَنّتگ بێران بوتگ‌اَنت و یک کسے هم دُزآپئے کلانتری 13ئے دستا، رَند چه آییئے آوار جنگا و آییئے جَنَگ و ٹپّیگ کنگا نزامی نیروانی دستا بێران بوتگ.

اے سالا پهرها و کرمان و کرج و دزاپ و زابل و مشهدئے بندیگجاهان بلۆچ کئیدیانی بێران بئیگ سَپت و نبیسگ بوتگ.

انچش 2023ئے سالا، 192 بلۆچ چه نامالومێن مردمانی دستا تیرگواری کنگ بوتگ‌اَنت که آیانی تها 150 کَس بێران و 42 کَس ٹپّیگ بوتگ. اِشانی تها کَم چه کَم 5 کسانێن کۆدک و 4 جنێن هست‌اِنت.

گۆن سالی جَم کرتگێن دِتایانی بنپدا، چه 2023ئے سالئے بنداتا تان 2023ئے سالئے گُڈسری وهدا، کَم چه کَم 321 کَس چه ٹێلکشان وڑ وڑێن پێشامدانی تها بێران و ٹپّیگ بوتگ‌اَنت.

رستگێن دِتا گۆن آوار جتگێن وارسیان اِشیا گوَشگا اِنت که کَم چه کَم 1112 آوار جتگێن جهنند گۆن وڑ وڑێن جُرمان دپترئے تها نبیسگ بوتگ که هشت دانگ چه آیان نزامی نیروانی دستا گۆن سرجمی (فله ای) درۆشما بوتگ.

گۆن 2023ئے سالئے جَم کُرتگێن دِتایانی بُنپدا، کَم چه کَم یک کسیئے شلّاک جنگئے هُکم آمێن درۆشما دلگانئے شهرئے تها دئیگ بوتگ که چه آییئے پجّار و هُکمئے وهدا هچ هبرے دستا نێست بله گۆن هستیێن سندان، اے هُکم ائولی سئیێن سالانی ماهئے تها دئیگ بوتگ.

2023ئے سالئے تها، کَم چه کَم شش بلۆچێن کارگرئے بێران بئیگ دگه دگه هلکانی تها دپترئے تها نبیسگ بوتگ که گُڈی‌ترێن بێران بئیگ گۆن “مهمد امین شیهکرک”ئے پجّارا، 19 سالگ، دُزآپئے نندۆک گوَشگ بوتگ که نوامبرئے 30می رۆچا کارئے اێمنیئے نێستیئے سئوبا چه لۆگئے سرا کپتگ و وتی جانی چه دستا داتگ.

2023ئے میلادیئے سالا گۆن بُندپدێن رستگێن هالان، وڑ وڑێن امنیتی و اێرانئے اسلامیئے جمهوریئے دولتا، 21 درور کَم چه کَم پنچ شهرئے هلکئے بلۆچ نند، لۆگانی هراب کنگ بِندات و مردمانی زمینِش زۆراکیئے سرا بُرتگ‌اَنت. اے درورێن گێشترێن کار هَشت جاها چهبارا و هپت جاها زاهدانا گوَشگ بوتگ و اے دگه شهر چۆ شستون و میناب و مهرستان رَند چه اے شهران گوَشگ بوتگ‌اَنت.