رَسانک نیوز

یکشمبهئے رۆچا ۱۷ دی ۱۴۰۲، همیدالّاه پاروکی (ملازهی) رَند چه ۱۰۴ رۆچ که دُزآپئے نُهمی بندا (سیاسی بندا) بوتگ گۆن زمانتئے گۆما آزات کنگ بوتگ.

گوشگی اِنت دوشمبهئے رۆچا ۳ مهر ۱۴۰۲، همیدالّاه پاروکی چه مکّیئے دینی وانگجاهئے اُستادان و مئولوی اَبدالاَزیزئے نماسگ (مکی مسیت و دُزاپئے مکی وانگجاهئے بِندات کنۆک) و آییئے پت “اَبدلسلام پاروکی”، هر دوێن دُزآپئے نندۆک، که گۆن وتی زاتی ماشینا شهرئے تها رئوگا بوتگ‌اَنت، دُزآپئے ترمینالئے دمگان امنیتی نیروانی دستا رَند چه آیانی جنَگ و چۆپگا آوار جنَگ بوتگ‌اَنت و نامالومێن جاهے برگ بوتگ‌اَنت.

گوشگی اِنت ۲۴ آبان ۱۴۰۲ئے رۆچا، هکومتی تسنیمئے رَسانک که سپاهئے وارسیا کنت یک ویدئوے که همیدالّاه و آییئے پت و دگه یک بندیگے «مهدی هُداشناس»ئے پَجّارا، گۆن استارلینکئے بارئے گِرگ بوتگێن بارئوا په لاچاری منّێنگ بوتگ‌اَنت و اے ویدئوِش شنگ کُرتگ.

دوشمبهئے رۆچا ۶ آزر ۱۴۰۲، “همیدالّاه پاروکی (ملازهی)”، گۆن “مهدی هُداشناس”، چه اتلاهتئے ادراهئے بندیگا در کَنگ و دُزآپئے مرکزی بندیگا و نُهمی بندا (سیاسی) بَرَگ بوتگ‌اَنت.