کله‌گانئے سیمسرا رانندگیئے سئوبا کَم چه کَم سئے بلۆچ ٹێلکشئے ٹپّیگ و بێران بئیگ، یکّے چه اے ٹێلکشانی درمیانا کسانێن چُکّے

رَسانک نیوز

سئے‌شمبهئے رۆچا ۱۲ دی ماه ۱۴۰۲، دمگ کله‌گانا هند شستونا گۆن دو ٹێلکشێن گاڑیئے ڈیکّ ورگ که سئوب بوتگ دوێن ماشین بن بگرنت، کَم چه کَم چه اے گاڑی والایان دو نپر که یکّے کسانێن چُکّے، بێران بوتگ و یک کَسے سَکّ ٹپّیگ بوتگ.

دوێن ٹیلکشانی پجّار که بێران بوتگ “اهمد هُسئێن زاهی”، ۲۸ سالگے، مهمد بهشئے چُکّو سراوانئے مردم و کشانێن بێران بوتگێن ٹێلکشئے پجّار “اَبدرهمان هُسئێن زهی”، ۱۵ سالگ، مرادئے چُکّ و شستونئے نندۆک گوَشگ بوتگ.

چه آ دگه ٹێلکشێن نئیسان والاێن گاڑیئے واهُندا که ٹپّیگ بوتگ هچ هالے نێست.

گوَشگ ببیت که ٹێلکشی چه هما کاران هساب بیت که که بازێنے چه بلۆچ جهمنندان چه بلۆچستانئے جاه جاهان، مناسبێن و مُدامێن کارئے نێستیا، ٹێلکشیئے نێمگا شُتگ‌اَنت که برے گۆن لهتێن پێشامدان چۆ گاڑیئے چپّ کنگ و امنیتی و نزامی نیروانی تیرشانیا دێم په دێم بنت و آیانی جانا تهدید کنت.