رَسانک نیوز
پنجشمبه ۲۷ مهر ۱۴۰۲، نزامی نیروان، زاهدانئے سپیدکئے دمگان، یک کهۆلێئے لۆگ و چار دیوالی که اے وت هم کمیته امدادئے کُمک گرۆک‌اَنت هرابِش کُرتگ.
گوشگ بیت اے لۆگئے مستر یک اێوکێن جنێنے و اے جنێنا وتی سَند کارِندهان نشان داتگ و اے سندی دستا بوتگ‌اَنت کارندهان هبر گۆش نکُرتگ و اے جنێن وتی لۆگانی هراب بئیگئے چارۆک بوتگ.
پێسر چه اشیا هم دئولتئے کارندهان بازێن بلۆچێئے لۆگ منزل آپ و دایی آبادئے دمگان و حتا اے دگر استانئے شهران هراب کُرتگ و چهبارئے کِرّ و گورئے نندۆکانی کاپر آس جتگ و سۆتکگ‌اَنت.
گوشگی اِنت باشندهێن مردمانی لۆگانی هراب کنگ و بلۆچێن مردمانی پیرُکی زمین و جاهانی زۆرگیری زاهدان و زاهدانئے کِرّ و گوَران، سپاه و بسیجئے نیروانی دستا انجام گپتگ.
Be the first to comment