رَسانک نیوز

چارشمبه ۲۶ مهر ۱۴۰۲، یک بلۆچێن باشندهے و چه زاهدانئے  مکی مسیتئے دینی مدرسهئے تالبے امنیتی نیروانی دستا هیّامئے رۆڈا دزگیر و نامالومێن جاهے برگ بوتگ.

اے بلۆچێن باشندهێن تالبئے پجّار “الیاس هاتمی نژاد” ۲۲ سالگ، شپی مهمدئے چُک و سربازئے شهرئے بێدلدئے هلکئے نندۆک گوشگ بوتگ.

گوشگ بیت که چارشمبهئے شپا الیاس هئیّامئے رۆدا مکی مسیتئے نزیکیا دزگیر و نامالومێن جاهے برگ بوتگ.

چه اے بلۆچئے جُرما و آییئے بندیگئے جاهئے هال و بود، انگت نێست.