رَسانک نیوز

بازێنے چه بلۆچستانئے جاهان گۆن یک ماهے چه نۆکێن(۱۴۰۳ـ۱۴۰۲) وانگئے سالئے گوَزگا انگت اُستادِش نێست و لهتے چه آیان گۆن چُنت کلاسئے بئیگا، بس یک اُستادے هستِ و بس.

سوهته ناگ سرکئورئے دمگان سربازئے شهرا یکّے چه آ وانگجاهاننت که بنداتی کلاسانی (مدرسه ابتدایی) وانگجاهے که چُنت ده نۆدربر بے اُستادا وتی رۆچان گوازێنگا اَنت و چه وتی درس و کلاسان پَشت کپتگ‌اَنت.

گوشگی اِنت که رِزا سَهرایی، اێرانئے تالیمئے وزیر، مِهرئے ائولی رۆچان ائیلامی کُرتگ که گۆن بیست هزار اُستادئے کمّیا گرپتارێن. مئولوی اَبدالهمید زاهدانئے پێشنمازا ، تالیمی وزیرئے اے گپّ و تْرانگانی سرا جاری جتگ و گوشتگی که تالیم یکّے چه اسلی چاگردئے جنجالان و اے کاری تالیمی سرمسترانی بێپگیریئے نشانگی گوشتگ.