رَسانک نیوز
پهرهئے (اێرانشهر) نیرو نزامی، وتی درێس و جاهئے بد کارمرزیا (سوء استفاده)، چه بلۆچێن جادهئے کِرّئے نندۆکێن ٹێل کشان، مپتێن ٹێل گرنت و چه آیان باج گرنت.
گۆن اے رستگێن هالان، نیرو نزامی گریب‌ترێن مردمانے که مال و جاهدادئے گندگا نزۆر اَنت اشانا تهدید کننت که اگن شما باج مدئیێت شمارا دزگیر کنێن یا اِشان کارا نئیلنت.
نیرو نزامیئے باج گَرگ در هالے اِنت که نزامی گاڑیان وتا ٹێلئے بهر هست و بله به جای اشی که وتی ٹێلئے بهرا کارمرز بکننت، وتی زاتی گاڑیانی گۆما کاینت و بێنئوبتا چه ٹێلئے جاها ٹێلا گِرنت و برنت.
Be the first to comment