رَسانک نیوز

دوشمبه ۲۴ مهر ۱۴۰۲، مئولوی پزل الرهمان و دگه بازێن مئولوێئے، دُزآپئے شهرئے چێرمان بئیگا دێمگیری کنگ بوتگ‌اَنت.

مئولوی پزل الرهمان کۆهی، جمهئے پێش نماز و  پشامگئے انوارالاُلومئے دینی وانگجاهئے سرمستر و بازێنے چه سرباز و راسکئے مئولویان که په مئولوی ابدالهمیدئے گِندگا دُزآپئے رئوگا بوتگ‌اَنت که امنیتی نیروان لهتێن چه اے مئولویانی دێم گپتگ و اجازتی نداتگ‌اَنت که دُزآپئے شهرا برئونت، چه مئولوی پزل الرهمان و آییئے همراهان هم دێمگیری کنگ بوتگ.

آهری هبر چۆ رستگ که امنیتی نیروان مئولوی پزل الرهمان و آییئے همراه رند چا چُنت ساهتا که ایستئے سرا داشتگنتِش پدا واترِش کُرتگ‌اَنت و دُزآپئے رئوگا دێمگیریِش کُرتگ.

گوشگی اِنت، پێش چه اشیا امنیتی سرمستران، شمبه ۲۲ مهر ۱۴۰۲، مئولوی هبیب الرهمان مُتهری، احناپ هاپئے دینی وانگجاهئے سرمستر و بازێنے چه هُراسانئے اهل سنتئے مئولویان، دزآپئے پُترگا دێمگیری کُرتگ.