رَسانک نیوز

مرۆچی شمبه ۸ مهر ۱۴۰۲، دُزآپئے جُمهئے  هۆنێن سالرۆچا، اێرانئے هپت سیاسی جنێن زندانیا په بلۆچ راجئے دێمپانی و همایت چه جد و  جهدا بئیانێئیے شنگ‌اِش کُرتگ‌.

اشانی جار اے وڑا دئیگ بوتگ:

“دزآپئے داتگێن جانان ، زْرمبشا نۆکێن رنگ و درۆمشے داتگ‌اِش.
«دُزآپئے هۆنێن جُمَها»، تْرندرئواجێن و تێزپهمێن کدمے په «جنێن، زند، آجویی» زرمبشا اِنت. سالے پێش بێپناهێن زهرشانێن مردمان، بله کاهُم و مهکم، بلۆچستان و سیستانئے اُستانا، دزآپئے دگ و جادّهان په جرم دادرسی و برابریئے  لۆٹگا کُشگ بوتنت.

یک انچێن جُرمے که گۆن وڑوڑێن هسابان، گێشتر چه چُنت ده نپر کُشگ بوتگ‌اَنت و چه آ رۆچا رند آجویی و آمدگیسیئے جار جنۆک بوتگ‌اَنت و بلۆچستان و سیستانئے جادّهانی تها په دئولتا یک تُرسناکێن وابے و زرمبش والایانی واستا یک سَدّکیے(دلجمی) جۆڑ بوتگ‌اَنت.

اے هۆنرێچین سالرۆچا، هر اێرانیئے زِمّها اِنت که چه بلۆچستانئے زُلم دیستگێن مردمانی گۆما که چۆ اێرانئے ٹُکّرێن جانیا اَنت همراه و همتئوار ببیت.

ما اے نِمدیئے دَزهت کنۆکان گۆن شُتگێن دُزآپئے جمهئے هۆنێنا مردمانی هئواریا وتی همراهی و یکدلیا گۆن وتی بلۆچستان و سیستانئے هم‌‌مُلیکیان جارَ جنێن.

“نرگس محمدی”
“گلرخ ایرایی”
“سپیده قلیان”
“فائزه هاشمی”
“شکیلا منفرد”
“محبوبه رضایی”
“آزاده عابدینی”