رَسانک نیوز

مرۆچی شمبه ۱۵ مهر ۱۴۰۲، مئولوی ابدالهمید اسماێلزهی، دُزآپئے پێش نمازا وتی اسلی ایکسئے (x) سرتاکا نرگس محمدیئے سرا په جایزه نئوبلئے سُهلئے گرگا مبارکباتی گوَشت.

مئولوی ابدالهمیدا وتی یک پُستێئے تها نبشت:
نرگس محمدی اے جنێن آدما، آمیدگِس و هکّ لۆٹی و انسانئے لۆٹا  بازێن سالے زندان و پاتْرپّ و سکێن گرانێن مُشکُل برداشت کُرتگ. نئوبلئے سُهلئے جایزه په اشیا مبارکبات.

گوَشگَ بیت که مئولوی ابدالهمیدا مردادئے ۱۳۹۹ آ نِمدیے په ابراهێم رییسی و په مَهکمهئے رئیسئے سرا په نرگس محمدیا که آ رۆچان وتی زندانیئے دئوران گوازێنگا اَت، اِلاجی رُکستے لۆٹۆک بوتگ.

چۆ زانگ بیت که اے یکێن گوَستگێن سالا، زهرشان کنۆکان دزآپا  چه نرگس محمدیا بُنپانی و آییئے آجوییئے لۆٹۆک بوتگ‌اَنت.