میان استمانی ماتانی روچ پہ سھجین مکہ ایں ماتان مراد بات

رسانک/ ماتی مھر ھما وشیں سوگات اِنت کہ اچ دگہ انچیں مھرءُ دوستی آئی جاہ ءَ نگِر اِیت. هما انت کہ آئی وشیں مھر ءُ مُریبت چُک ئے گورا مدامی ابدمان اِنت. مکہ ایں مات چُک ئے واھگانی بھشت اِنت.

ماتانی میان استمانی روچ دومی جتی ءِ روچ ماں مئے ماہ ءَ برجم دارگ بیت. پرچیا اے روچ ءَ پہ ماتانی روچ ئے نام ءَ زان انت؟ اے روچ ءِ دارگ کُجا چہ بندات بوتگ؟

بیستمی کرن ءَ چہ پیسر ماتانی روچ جتا جتائیں روچ ءَ دارگ بوتگ چو کہ ھزاراں سال پیسر یونان ءِ مردمان دو ءِ پروری ءَ جژن کپتگ کہ ایسا مسیہ زُمین سرءَ اتکگ. روم ءِ مردمان کاتولیک مزھبان مریم مقدس ئے پیداگ بیگ پہ مات ءِ روچ ئے نامءَ جژن گپتگ . اسلام ءَ پیگمبرئے جَنِک ءِ ودے بیگ روچ ، مات ئے روچ ءِ نام بستگ.

نوکین اے دَھرءَ ماتانی میان استمانی روچ چہ ءَ١٩٠٨ دارگ بووگ اِنت کہ ھما وھد ءَ یک امریکی جِنین ءِ نامی “جولیا واردھو” اَت وتی ھُدامُرز ایں مات ءِ ھاترا ورجینیا ءِ یک کلیسا ئے تہ ءَ دیوان ءِ برجمی داشت. ھمے کلیسائے تہ ءَ چہ روچ مروچی ماتانی میان استمانی روچ جژن برجم دارگ بیت.

پدا ٨مئے١٩٢٤ ءَ امریکہ ءِ کنگرہ، ماتانی روچ ءِ دارگ ءِ پرمان دات ھما روچ ءَ بگر داں مروچی ھر سال مئے ءِ دومی جَتی بزان یکشمبہ ، ماتانی میان استمانی روچ ءِ درگت ءَ دارگ بیت. اے روچ ءَ مردمان وتی مات ءَ گُل ءُ دگہ چیز سوگات دے اَنت.

Be the first to comment

Leave a Reply

Your email address will not be published.


*