رَسانک نیوز

پنچشمبهئے رۆچا ۲۴ هُرداد ۱۴۰۳، بلۆچستان و سیستانئے دامپزشکیئے سرمسترا گوَشت: چه ائولئے سالا تان انّون بلۆچستان و سیستانئے اُستانا ۱۹ کس که کنگوئے تپئے نادراهیا درگیر بوتگ‌اَنت پجّار کنگ بوتگ‌اَنت که ۹ کس چه آیان دُزآپئے تها بوتگ‌اَنت و دو کس چه اِشان دُزآپئے شهرا بێران بوتگ‌اَنت.

گلامرزا سرگزیا گوَشتگ: سالم و سلامتێن هئیوان هم کنگوئے تپا انسانا دات کنت و اشیئے دێمگیریئے واستا لازم اِنت که اِشانی کُشگا رَند ۲۴ ساهتا گۆشت یکچالا ببیت و رندا ورگ ببیت.

گوشگی اِنت که ۱۴۰۳ئے اردیبهشتئے ۲۲می رۆچا، همرمزگانئے وانگجاهئے اُلوم پزشکیئے معاونا هم سئے کس که کنگوئے تپا دچار بوتگ‌اَنت پجارتگ‌اَنت و یک کسے هم رۆدان گیاوانئے تها همے تپئے گۆما بێران بوتگ.