رَسانک نیوز

چارشمبه رۆچا ۱۶ هُرداد ۱۴۰۳، جکیگورئے هلکا بس یک نانواییے کار کنگا اِنت که بس کساس سُهبئے شش تان یازدها نان پچیت و جکیورئے مردمانی نانئے نیازا پورهَ کُرت نکنت.

گوَشگ ببیت دگه چُنت نانوایی اے هلکئے تها هست‌اِنت بله اُگدهدارانی بێپگری سئوب بوتگ که نانوایی والا کار مکننت و آرتا آزاتێن بازار گۆن گرانێن کیمتیا بها کننت و هچ وڑێن کارے په مردمان نکننت.

اے چُش اِنت که جکیگور، راسک ـ چهبار ـ کسرکندئے سئے راهیئے سرا اِنت و چه کدیمێن وهدان تجاری بازارے و بوت کنت که رۆچے سد مساپر چه اِدا گوزیت.