رَسانک نیوز

مرۆچی جُمَه ۱۱ هُرداد ۱۴۰۳، مئولوی اَبدُلهمید اسماێل زهی، دُزآپئے جمهئے پێشنماز وتی ائولی کُتبهئے تها رَند چه دو هپتگئے دوری په اِلاجی سپرئے واستا، چه دراهێن مردمان که آییئے سلامتیئے پگرا و جُست و پرسِش کُرتگ مِنّتوار بوتگ.

مئولوی اَبدُلهمید ۲۶ اردیبهشت ماه بیماریئے سئوبا ترکیهئے هلکا سپر کُرتگ و گوستگێن شپا رند چه اِشیا که زاهدانئے بالیپٹا پُترتگنت، مردم دێمئے رئوگا هئیابان و مکیئے مسیتا شتگ‌اَنت.

گوشگی اِنت که مئولوی اَبدُلهمید یک تئواریئے تها که چه ترکیئا که نزیکێن مردمانی چه آییئے هالا جُست کُرتگ راه داتگ، گوشتگی که اێرانئے دکتران په زانتیئے سرا اے واجهئے بیماری هراب گوشتگ.

مئولوی اَبدلهمیدا اے تئوارئے تها گوشتگ که آییئے هال وشّ اِنت و آ چیزے که اێرانئے دُکتران گوشتگ، اشی که مئولوی دلئے بیماری هست، ترکیهئے پزشکان رند چه آنژوگراپی و وڑ وڑێن آزمایشان گوشتگ که مئولویا دلئے بیماری نێست بلکێن آییئے بیماری مئیدهئے بیماری اِنت.