رَسانک نیوز

چارشمبه رۆچا ۹ هرداد ۱۴۰۳، دو کئومئے (زاروزهی) و (آنشینی)ئے مکی مسیتئے تها گۆن واجهێن مردم و اسپێت ریش و مهتمدێن مردمانی پادرنیامیا سُهل و سازش کُرتگ.

همے هالانی رِدا، کساس دو سالا پێسر اے دوێن کئومانی تها جَن و کُٹے بوتگ که رَند چه آییا دو ورناهێن بچک نامالومێن مردمانی دستا چه آنشینئے کئوما بێران کنگ بوتگ و ال هئیال رئوت که زاروزهیئے کئومئے مردم آیانی جنۆک ببنت مرۆچی رند چه دو سالا زاروزهیئے کئومئے مردمان کسم یات کُرتگ که جنۆک نبوتگ‌اَنت و جنۆکان پجّاه نئیارنت و اشانس کُشگا هچ وڑا دستش نبوتگ.

گوشگی اِنت که گۆن دو کئومئے نیاما که ناتپاکی کئیت سیاسی کارزانت و بلۆچستانئے بشری هُکوکئے کارزانت گوشنت که اے نیاما بازێن نامالومێن مردمے و امنیتی و نزامی نیرو و وزارت اتلاهاتئے نیرو و پساهئے اتلاهاتئل نیرو اَنت که اے کاران کننت که کئومانی تها ناتپاکی بیارنت و کارزانتێن بلۆچێن ورناهان بێران کننت.

گوشگ ببیت که پێسرا هم انچێن هال آتکگ که امنیتی نهادان انچێن درگیریانی تها تۆک آیی (دخالت) کُرتگ که اشی پێش داریت که اے دستور چه بلۆچستان و شیستانئے امنیتی اُگدهدارانی نێمکا دئیگ بنت