رَسانک نیوز
دوشمبهئے بانگواها ۷ هرداد ۱۴۰۳، واشئے تها یک جهمنندێن بلۆچے گۆن نامالومێن سلاهبندێن مردمانی تیرگواریان و گۆن تیرئے لگّگا وتی ساهی چه دستا داتگ.
اے جهمنندێن بلۆچئے پجّار (اهسان رستمی [جمالزهی]) اهمدئے چُکّ و واشئے نندۆک گوَشگ بوتگ.
همے هالانی رِدا، دو پژو ۴۰۵ و پژو پارسێن ماشین گۆن بازێن نندۆکیا اهسانئے نێمگا تیرگواری کُرتگ که آیی گۆن تیرئے ورگا وتی ساهی چه دستا داتگ.
چه جنۆکانی جنَگئے سئوبا اَنگت هالے دستا نکپتگ.
گۆن ۲۰۲۳ئے سالئے جم کُرتگێن هالان، کم چه کم ۱۹۲ جهمنندێن بلۆچ نامالومێن سلاهبندێن مردمانی تیرانی آماچ بوتگ‌اَنت که آیانی تها ۱۵۰ کس کُشگ بوتگ و ۴۲ کس ٹپّیگ بوتگ. اِشانی تها کم چه کم پنچ گونڈوێن چُکّ و چار جنێن هم هست‌اِنت.
Be the first to comment