رَسانک/ ائولی جهمنندی امکاناتئے نێستی چۆ آپ، برگ و جاده کامبوزیائے هلکا چه شێرآبادئے دمگان دُزآپئے شهرا بازێن مشکلے په جهمنندێن مردمانی واستا اڈ بوتگ.

همے هالئے رِدا، دُزآپئے چارمی هلکا، که په کامبوزیا ماروپ اِنت کم چه کم ۵۰۰ هلکئے مردم اۆدا نندۆک‌اِنت و چه ائولی جهمنندی امکاناتان چۆ آپ، برگ و جادهئے جدوَل کشی و آسپالتا زِبهر اَنت و هچ اُگدادارے دُمبالگیری کنۆک نه‌اِنت.

گوشگی اِنت بازێنے چه بلۆچشتانئے دمگان، چۆ مزنێن شهران گۆن بازێن نندۆکان، بله آ اۆدئے جهمنند چه ائولی جهمنندی امکاناتیئے نێستیا رنج برگا اَنت و برگ و آپ و گاز و اینترنت و آسپالت و آموزشی، بهداشتی بُن ردئے نێستی اے جهمنندێن مردمانی زندگیئے سرا سکّی آرتگ.